ROXAS CITY – Ginsabat sang alkalde sang syudad ang pag-apelar sang mga tricycle drivers nga apektado sang Memorandum Circular 036-2020 sang Department of Interior and Local Government (DILG) nga nagadumili sa mga tricycle nga mag-agi sa national highways.
Kasubong nga nalipay ang mga operators kag drivers sang tricycle sang ginpalab-ot ni Mayor Ronnie Dadivas sa ginpatawag nga coordination meeting kaupod ang mga ahensiya sang gobyerno angut sa tikang nga ginahimo sang gobyerno sang syudad agud mabuligan ang mga tricycle drivers.
Magluwas diri, ginkumpirma sang alkalde ang ginpasalig sang Highway Patrol Group nga ipaiway ang pagpangdakup sa mga tricycle nga mag-agi sa national highway sa sulod sang 30-diyas samtang ginatinguhaan sang Roxas City government nga makakuha sang exemption gikan sa DILG.
Apang ginklaro nga magapadayon ang operasyon sang Highway Patrol sa salawayon nga mga tricycle drivers nga maglapas sa iban nga mga laye trapiko.
Ginpalab-ot pa ni Mayor Dadivas mga tricycle drivers sa Roxas City nga ginahimo sang Roxas City government ang tanan agud madepensahan kag maproteksyunan ang palangabuy-anan sang mga drivers.
