Anum ka mga indibidwal, patay matapos ang stampede sa isa ka military recruitment sa Ghana

Indi magnubo sa anum ka tawo ang napatay matapos ang pagdinaguso sa isa ka military recruitment event sa Ghana.

Suno sa Ghana armed forces, ang insidente ang tuga sang wala ginapaabot nga pagdamo sang mga aplikante.

Samtang, 22 naman ang pilason, lima sa ila ang kritikal.

Wala naman ginalauman sang militar sang Ghana nga tubtob sa isa ka libo ka tawo ang maga-aplay nga mangin soldado sa El-Wak stadium sa Accra.

Nahibaluan nga ang kadamuon sang wala sang trabaho sa Ghana nagdamo, gani madamo nga pamatan-on ang interesado nga magsoldado.

Bangod sang insidente, ginpalawig sang Ghana armed forces ang recruitment pagkatapos sang insidente.