Ginpakigbahin sang komedyante kag aktres nga si Ai-Ai delas Alas nga gin-revoke sini ang green card sang petisyon para sa iya anay bana nga si Gerald Sibayan matapos ang ila pagbulagay.
Sa interview, ginpahayag sang komedyante nga kabahin ini sang iya paagi agud maka-move on sa relasyon.
Suno kay Ai-Ai,apisar una nga nagaduha-duha ini nga i-revoke ang petition, ginpakamaayo sini nga himuon ini bilang tikang para sa iya kaugalingon nga pag-ayo kag indi bilang porma sang pagbalos.
Ginpahayag man niya nga ang pagbawi sang green card nagdungan sa iya pag-file para sa diborsyo, kag sa subong, si Gerald wala na sa idalom sang iya petisyon.
Gin-ako sang aktres nga nagabatyag gihapon ini sang kasubo kun kaisa, apang yara na ini sa proseso sang pag-move on kag nagapabilin nga positibo sa iya kabuhi.
