Gin-lift na sang Pilipinas ang temporary ban sa pag-import sang manok gikan sa Belgium kasunod sang review sang gobyerno nga nagasiling nga bastante na ang mga tikang sang pungsod batok sa bird flu.
Sa isa ka department circular, ginkilala sang Department of Agriculture (DA) ang regionalization protocols para sa High Pathogenicity Avian Influenza sang Belgium, nga nagapahanugot sang pagpadayon sang mga importasyon gikan sa ginakabig nga disease-free zone.
Ginalakipan sini ang mga produkto pareho sang poultry meat, itlog, day-old chicks, kag breeding materials.
Suno kay Agriculture Secretary Francisco Tiu Laurel Jr., ang desisyon nagapakita sang “science-based and risk-calibrated approach” sang gobyerno agud mabalanse ang mga kinahanglanon sa supply sang pagkaon kag proteksyon sa biosecurity.
Pahayag pa sini nga nagapabilin nga prayoridad sang gobyerno ang pag-amlig sa sektor sang agrikultura kadungan sang pagpasiguro sang malig-on kag barato nga supply sang pagkaon para sa mga konsumidor.
