Ginsuhestyon ni Vice President Sara Duterte nga dapat ilakip sa imbestigasyon si Presidente Ferdinand Marcos Jr.
Suno sa Bise Presidente, maathag ang ebidensya nga makita ang maanomaliya sa 2025 national budget.
Una, ginpahayag sang presidente nga wala pa napasakaan sang kaso ang anay House Speaker Martin Romualdez sa Independent Commission for Infrastructure (ICI).
Dugang pa ni VP Duterte nga posible wala niya nabasahan ang 2025 budget nga may discrepancies sa National Expenditure Program (NEP) nga ginsumiter sang executive department kag sa General Appropriations Act (GAA) nga ginpasar sang Kongreso.
Ginpahayag pa niya nga yara sa National Expenditure Program (NEP) ang mga proyekto sang Executive Department apang sa GAA, makita ang mga proyekto nga wala sa NEP, gani maathag ini nga ebidensya.
Ang nasambit nga mga pagdugang mahimo makabig nga ‘insertions’ nga naimpluwensyahan sang liderato sang Kamara.
Gani nagakadapat nga ilakip ang presidente bangud sa iya pagpirma sa 2025 General Appropriations Act (GAA).
