DUMALAG, CAPIZ -Patay ang isa ka seaman matapos nabungguan sang isa ka motorsiklo sa Barangay Sta. Cruz, Dumalag, Capiz.
Nag-angkon sang patal nga pilas sa nalikod nga bahin sang ulo ang biktima nga si Arvinito Borres 46-anyos sang Poblacion, Dumalag, Capiz.
Sandig sa imbestigasyon sang Dumalag Municipal Police Station nga nagatabuk ang biktima sa karsada sang aksidente nga nabungguan sang motorsiklo nga ginamaneho ni Ma. Christina Candido 19-anyos sang Rizal St., Mambusao, Capiz kaupod ang backrider nga si Jemrik Magallanes sang Consolacion St., Mambusao, Capiz.
Gilayon gindala sa Senator Gerardo Roxas Memorial District Hospital sa banwa sang Dao ang biktima, apang gindeklara ini nga dead on arrival sang doktor.
Samtag gindala man sa Tapaz District Hospital sanday Candido kag Magallanes agud madapatan sang pagbulong ang ila naangkon nga mga kasamaran sa lawas.
