Ginpasidunggan bilang “Best Cultural Festival – First Runner Up” sa bug-os nga pungsod (Provincial Category) ang Capiztahan 2023: The 122nd Founding Anniversary of the Civil Government of Capiz.
Ginkilala ang nasambit nga kahiwatan sa ginpatigayon nga DOT Pearl Awards nga ginhiwat sa Koronadal City, South Cotabato bilang kabahin sang 25th ATOP National Convention sang tinalikdan nga Oktubre 9 tubtob Oktubre 12, 2024.
Personal nga ginbaton ni Provincial Tourism and Cultural Affairs Officer Alphonsus D. Tesoro ang tropeo bilang representative sang Gobyerno Probinsyal sang Capiz sa idalom sang bisyonaryo nga pagdumalahan ni Governor Fredenil H. Castro.
Ang ini nga kadalag-an ang ginakabig bilang isa ka pamatuod sa wala naga-untat kag padayon nga pagtinguha sang Gobyerno Probinsyal nga pasanyugon ang turismo kag ipreserba ang maragtason nga kultura sang probinsya nga sarang mapabugal sang mga Capisnon indi lamang sa pungsod, kundi mangin sa bug-os nga kalibutan.
