Ginsiling sang commissioner kag officer-in-charge National Commission of Senior Citizens (NCSC) nga si Dr. Mary Jean Loreche nga mahimo na nga makabaton sang ₱10,000 ang tanan nga senior citizens sa pungsod nga naga-edad sang 80, 85, 90 kag 95-anyos.
Suno kay Loreche, sa national government magagikan ang nasambit nga ayuda para sa mga senior citizen nga ginakabig “milestone ages”.
Ang amu cash aid, ang kabahin sang Expanded Centenarian Act nga ginsapinal sadtong Pebrero 26, 2024.
Samtang, ginklaro man ni Loreche kung paano ang implementasyon sang ₱10,000.
Posible suno diri una nga mahatagan sang cash aid ang mga maga-apply subong nga 2025.
Mahimo man suno diri nga mag-apply sa website sang NCSC ang mga senior citizen nga sulod sa mga nasambit nga edad ukon magpadulong sa pinakamalapit sang Office of the Senior Citizens Affairs ukon sa lokal nga Social Welfare and Development office.
