ROXAS CITY – Ginbaha ang isa kabarangay sa banwa sang Sigma sa probinsiya sang Capiz, bangud sa padayon nga pag-ulan nga dala sang bagyo nga Ramon.
Ginkumpirma ni Judy Grace Pelaez, Provincial Disaster Risk Reduction and Management Officer sa Bombo Radyo ang pagbaha sa Barangay Pagbunitan, Sigma, Capiz, sa diin indi na ini maagihan sang tanan nga sahi sang salakyan.
Sa pihak nga wala sang tropical storm signal ang Capiz, apang padayon naman ang pag-ulan, humalin pa kahapon sa diin nagdeklara sang suspension of classes ang mga local chief executives sa Roxas City kag mga munisipalidad tobtob subong nga adlaw para masiguro ang kaluwasan sang mga estudyante.
Padayon ang monitoring sang PDRRMO sa lebel sang tubig sa mga suba kag nagapakig-angut sila sa ila mga counterparts sa mga kabanwahanan. Ginpanugyanan man ni Pelaez ang mga residente nga naga-estar malapit sa mga kasubaan nga mangin alerto kag mag-aligmat kag magpadulong sa mga evacuation centers sa tion nga ila makita ang pagtaas sang tubig, agud malikawan nga mabutang sa peligro ang ila nga kabuhi
