1 ka unit sang armas luthang boluntaryo nga ginsungka sa kapulisan sa banwa sang Dumarao

ROXAS CITY – Boluntaryo nga ginsungka sang isa ka residente sa Dumarao Capiz, ang isa ka unit sang armas luthang pinaagi kay Gerry Hitalia Pampag isa ka miyembro sang United Kabayan Friendship anti-Crime Organization, Force Multiplier Inc., sa Dumarao Municipal Police Station kahapon Agosto 2 takna alas 3:43.

Ini ang kadungan sa padayon kag ginpasangkad nga kampanya sang Dumarao MPS nga Tokhang Kontra Armas Luthang (TKAL).

Sa karun, yara na sa paghinakop sang Dumarao MPS ang nasambit nga armas luthang kag natalan nga i-turn-over sa Firearms Explosives Security Agencies and Guard Supervision (FESAGS) sang Capiz Provincial Police Office para sa nagakaigo nga disposisyon.