-- ADVERTISEMENT --
ROXAS CITY – Dead On Arrival ang 30 anyos nga mangunguma samtang padayon naman nga ginabulong ang 20 anyos nga kaupod man sini matapos naigo sang kilat sa Sitio Nag-uring Barangay Agambolong, Jamindan, Capiz.
Ginkilala ang napatay nga si Novi Eleuterio sang Barangay Agcococ, Tapaz samtang pilason naman si Joey Laraya sang Barangay Caidquid, Mambusao, Capiz.
Sandig sa dugang nga imbestigasyon sang Jamindan PNP, nagpanilong ang mga biktima sa isa ka kapilya sang hinali na lamang ang mga ini gin-igo sang kilat.
Nag-angkon naman sang mga paso sa magkatuhay nga porsyon sang lawas ang mga biktima nga gilayon gindala sa Mambusao District Hospital.
