-- ADVERTISEMENT --
Isa ang patay kag pilason ang isa ka municipal councilor matapos ginluthang sang riding in tandem ang ila salakyan sa Barangay Tuka, Mamasapano, Maguindanao del Sur.
Ginpahayag nga isa ka mangunguma nga nagapungko sa likod sang salakyan ang napatay sa ambush.
Gindala sa ospital si Montasir Dimalido, isa ka konsehal sang banwa sa Sultan sa Barongis nga nagamaneho sang salakyan kag nakaluwas ini.
Wala naman napilasan ang isa pa ka kaupod nga konsehal nga si Abdulmanap Biang.
Naguwa sa inisyal nga imbestigasyon nga gin-ambush sila sang gina-alegar rider-in-tandem sakay sa motorsiklo nga wala sang plaka. Pag-abot sa lugar ginluthang sila.
-- ADVERTISEMENT --
Personal nga away ang isa sa mga motibo nga ginalantaw sang mga otoridad sa krimen.
