DAO, CAPIZ – Patay ang driver sang motorsiklo samtang pilason ang backrider sini matapos nagbunggu-anay sang isa ka delivery truck sa Barangay Nasunugan, Dao, Capiz.
Ginkilala ang napatay nga si Erwin Quirao sang Barangay Malapad Cogon, Sigma, Capiz nga nag-angkon sang patal nga pilas sa dughan.
Samtang ang backrider nga padayon ginabulong sa ospital amo si certain Equillo 45-anyos sang Barangay Switch, Tapaz.
Sandig sa imbestigasyon sang kapulisan padulong sa syudad sang Roxas ang mga biktima sang ila masugata ang delivery truck nga ginamaneho ni Charlie Borbon residente sang Barangay Dinginan, Roxas City kag aksidente nga nagbunggu-anay ang duha ka mga salakyan.
Gilayon nga gindala sa ospital ang mga biktima, apang gindeklara nga dead on arrival si Quirao.
Samtang boluntaryo naman nga nagsungka ang driver sang truck sa mga kapulisan sa diin nakahunong na ini karon sa karsel sang Dao PNP.
