ROXAS CITY – Patay ang backrider samtang pilason ang driver sang motorsiklo matapos aksidente nga nakabunggo sang duha ka layaw nga ido sa Barangay Ibaca, President Roxas, Capiz.
Ginkilala ang napatay nga backrider nga si Periza Calzado 47 anyos sang Barangay San Fernando, Pilar samtang nag-angkon sang pilas sa lawas ang driver nga si Joey Salvador.
Suno kay Police Capt. Armando Clavaton, hepe sang President Roxas PNP nga gikan ang mga biktima sa isa ka reunion kag magapauli na kuntani sa banwa sang Pilar apang pag-abot sa national highway sang Barangay Ibaca hinali na lamang nga may nagtabuk nga duha ka layaw nga ido rason nga nadulaan sang kontrol sa manibela ang driver nga si Salvador kag nagtabog sila sang backrider.
Nahibaluan nga nakasuksok sang helmet ang driver sang nagluntad ang aksidente.//Samtang gilayon nga gindala sa ospital ang mga biktima, apang gindeklara nga dead on arrival ang backrider nga si Calzado.
