DUMALAG, CAPIZ – Dead on arrival sang mag-abot sa ospital ang isa ka lalaki samtang pilason ang kaupod sini matapos ginlabo sa Barangay San Rafael, Dumalag, Capiz.
Nag-angkon sang patal nga pilas sa nawong kag lawas ang napatay nga si Nino Facularin 30-anyos matapos ginhatuk hatuk labo sang suspek nga si Ernan Fantinalgo Sr., samtang padayon nga ginabulong sa ospital ang isa pa ka biktima nga si Ramil Biaco 40-anyos.
Nagaguwa sa imbestigasyon nga nagapanyapon ang duha ka mga biktima nga sanday Facularin kag Biaco sang naglabay ang suspek.
Ginaalegar nga ginsinggitan ni Facularin ang suspek kasunod ang pagguwa sa ila balay bitbit ang binangon.
Ginkumpronta sini si Fantinalgo nga nagpauli sa ila balay apang sa pagbalik may dala na nga binangon kag ginsulod ang balay sa diin nagatenir ang duha ka mga biktima.
Una nga ginlabo sang suspek si Biaco nga napilasan sa lawas.
Nagpalagyo naman si Facularin apang naabtan ini sang suspek sa ulumhan kag ginaalegar nga ginhatuk hatuk sang labo sa nawong kag lawas.
Nakahunong naman karon sa karsel sang Dumalag PNP ang suspek matapos nga nadakpan sang mga otoridad.
