ROXAS CITY – Isa patay, isa pilason sa sampukanay sang duha ka mga motorsiklo sa Barangay Binuntucan, Pontevedra, Capiz.
Ginkilala ang napatay nga biktima nga si Danilo Besa, 45 anyos, residente sang Barangay Culajao, Roxas City samtang padayon naman nga ginabulong ang 19 anyos nga si Herbert Nequinto sang banwa sang Maayon.
Base sa inisyal nga imbestigasyon sang Pontevedra Municipal Police Station, gikan sa banwa sang Maayon si Besa kag pauli na sa siyudad sang Roxas sang nakabungguan sini ang ginamaneho nga motorsiklo ni Nequinto nga padulong sa banwa sang Pontevedra.
Bangud sa kabaskugon sang pagkabunggo, nag-angkon sang patal nga pilas sa ulo si Besa kag napilasan naman si Nequinto.
Gindala pa sa ospital ang mga biktima apang gindeklarar nga dead on arrival si Besa.
Nahibaluan nga yara sa idalom sang impluwensiya sang makahulubog nga ilimnon si Besa sang natabo ang amo nga aksidente.
