ROXAS CITY – Patay ang carwash boy nga backrider sang motorsiklo matapos ginsagnoy sang ginasakyan nga motorsiklo nga nabungguan sang isa ka pribado nga salakyan sa Barangay Tabuc Sur, Panitan, Capiz.
Nag-angkon sang patal nga pilas sa lawas si Levy John Depone 23-anyos, sang Barangay Balatucan, Panit-an, samtang padayon nga ginabulong sa ospital ang driver sang motorsiklo nga si Ed Distura 21-anyos bangud sa naangkon nga kasamaran sa lawas matapos nga nagtabog.
Ba-se sa report sang kapulisan ginasubay sang mga biktima ang dalan sa Barangay Tabuc Sur, Panit-an sang hinali nga nabungguan sang nagasunod nga salakyan nga ginamaneho sang manunudlo nga si Ernie Villa 38-anyos sang Barangay Tabun-acan, Pilar.
Ba-se sa alegasyon sang manunudlo nga yara ini sa likod sang motorsiklo sang mga biktima sang may nasugata nga salakyan nga tuman ka sanag ang suga.
Bangud sa kasanag wala nadiparahan sang manunudlo ang motorsiklo sang mga biktima nga yara sa iya unahan kag ini ang nabungguan.
Gilayon nga gindala sa ospital ang mga biktima, apang gindeklara nga DOA si Depone.
Samtang nagsungka sa mga kapulisan si Villa matapos ang insedente.
