1 patay, 3 pilason matapos ginsalakay sang UV Express ang 12 ka mga motorsiklo kag duha ka kotse

Isa ang patay kag tatlo naman ang pilason matapos salakayon sang isa ka UV Express ang 12 ka mga motorsiklo kag duha ka kotse sa Commonwealth Avenue sa Quezon City.

Makit-an sa video footage nga wala pa nag-untat ang driver sang UV Express matapos mabunggoan ang mga salakyan.

Gintinguhaan sang isa ka truck nga balabagan ang suspek apang nagpalagyo ini sakay sa UV Express nga sang ulihe, natigayon man nga madakpan.

Paathag sang suspek, may yara siya sang nakabais sa dalan rason nga nag-init ang iya ulo apang indi niya madumdoman kun sin-o ang iya nakaaway.

Nagguwa sa inisyal nga imbestigasyon sang kapulisan nga negatibo man sa alcohol ang suspek kag ginpaidalom man sa drug test.

Gina-imbestigaran na sang Land Transportation Office ang insidente.