TAPAZ, CAPIz – Patay ang 13-anyos nga dalagita samtang padayon nga ginabulong sa ospital ang tatlo ka mga kaupdanan sini nga menor de edad matapos naaksidente ang ila ginasakyan nga motorsiklo sa Poblacion, Tapaz, Capiz.
Sandig sa imbestigasyon sang Tapaz Municipal Police Station nagapauli na ang mga biktima nga naga-edad sang 13 kag 14-anyos sakay sa motorsiklo nga ginamaneho sang 15-anyos nga solterito kag magulang sang napatay sa Barangay San Jose, Tapaz apang pag-abot sa kurbadahon nga karsada aksidente nga nakabunggo sa poste sang kuryente.
Gilayon nga gindala sa ospital ang apat, apang gindeklara nga dead on arrival ang 13-anyos nga dalagita nga nagasakay sa likod sang iya magulang nga nagamaneho sang motorsiklo matapos gin-alegar nga nalampus ang iya ulo sa semento.
Nahibaluan nga kaupod sang mag-utod nga nakasakay sa motorsiklo ang ila mga pakaisa nga gikan sa isa ka convenient store.
