-- ADVERTISEMENT --
ROXAS CITY – Patay ang 18-anyos nga soltero samtang pilason ang tatlo ka mga kaupod sini matapos naaksidente ang top-down nga tricycle sa Barangay Tanza Norte, Panay, Capiz.
Ginkilala ang napatay nga si Jed Desalit sang Barangay Libas, Roxas City kag driver sang top-down nga tricycle samtang padayon nga ginabulong sa ospital sanday John Mark Vista, Ramil Cabalquinto kag Alcel Manlangit.
Nagapauli na ang mga biktima sakay sa topdown nga tricycle apang wala nakita ni Desalit ang gintumpok nga balas rason nga nadulaan sang kontrol ang manubela kag nag-apok sila tanan sa kilid sang dalan.
Padayon sa karon ang imbestigasyon sa nagluntad nga aksidente.
