1 patay, 3 pilason sang gin-arado sang UV Express ang 12 ka motorsiklo kag 2 ka salakyan

Isa ang patay samtang tatlo ang pilason sang gin-arado sang UV Express ang 12 ka mga motorsiklo kag duha ka mga salakyan sa Commonwealth Avenue sa Quezon City.

Gintuyo nga balabagan sang isa ka truck ang suspek apang nakapalagyo ang UV express nga sang ulihi nadakpan man.

Gin-athag sang suspek nga may nakabunggo siya sa dalan rason nga naakig siya. Apang, indi niya madumduman kon sin-o ang nakabunggo sa iya.

Nagaguwa sa inisyal nga police test nga negatibo sa alcohol test ang suspek kag magapaidalom man sa drug test.

Padayon ang imbestigasyon sang Land Transportation Office sa nasambit nga insidente.