MIAGAO, ILOILO – Patay ang ginapahayag miyembro sang rebelde nga New People’s Army samtang pito ka iban pa ang na-capture sa nagluntad nga engkwentro sa tunga sang rebelde nga grupo kag militar sa Sitio Anoy, Barangay Cabalaunan, Miagao, Iloilo.
Ini ang ginpahayag ni 61st Infantry Battalion Commanding Officer Lt. Col. Joel Benedict Batara sang mainterview sang Bombo Radyo.
Suno sa opisyal nga yara karon sa kustodiya sang Philippine Army ang na-capture nga 7 ka mga lalaki kalakio ang isa ka menor de edad nga lalaki samtang wala pa makilala ang napatay nga isa ka persona.
Narekober sa ginluntaran sang engkwentro ang duha ka home made shot gun; tag-isa ka M1 granade rifle; KG9 sub machine gun kag pistolized home made shot gun; duha ka improvised explosive device; 7 ka mga backpacks; 2 ka bandolier; 2 ka NPA flags; kag iban pa nga dokumento.
