ROXAS CITY – Nakarekord sang isa ka patay, samtang kapin 146 ang napilasan sa nagluntad nga linog sa southeastern nga bahin sang Taiwan, kahapon sang Domingo.
Ini ang ba-se sa impormasyon nga nakuha sang Bombo International Correspondent (BINC) nga si Ms. Charlene Tomasa, tumandok sang Brgy. Banica, Roxas City, kag direkta sa Taipei, apang nakaba-se sa Taoyuan sa iya trabaho bilang factory worker.
Suno diri, natiphagan sang nag-collapse nga edipisyo ang narekord nga casualty kag ang iban pa nga napilasan nga yara na sa mga ospital.
Dugang pa sini, sa iya lima katuig nga pagtrabaho sa nasambit nga pungsod, daw kaangay normal ang mabatyagan nga pagtay-og sang duta.
Apisar nga 481 kilometers ang kalayuon sini sa Taitung county nga amu ang sentro sang linog, nabatyagan sini sa gihapon ang mabaskog nga pagtay-og sang duta sa iya nahamtangan kahapon sang Domingo.
Sa iya pagpangusisa, wala man sang nabalita nga Pinoy nga naulamid sa linog, bangud padayon pa ang search and rescue operation sang katapo sang Taiwan government.
Wala man nagapabaya ang gobyerno sang Taiwan sa mga nabiktima sang linog.
