ROXAS CITY – Nag-angkon sang pagpalanakit sa kalawasan ang driver sang isa ka salakyan matapos nga aksidente nga nabungguan sang motorsiklo sa Legaspi Street corner Bilbao Street, Roxas City.
Base sa inisyal nga imbestigasyon sang Roxas City Police Station nga samtang ginamaneho sang driver nga si Jacquebuen Valenzuela 39-anyos sang Mabulo Street, Barangay Tiza sining siyudad ang iya nga salakyan aksidente na lamang ini nga ginbungguan sang motorsiklo nga ginamaneho ni Jeffrey Dela Cruz 35-anyos sang Barangay Lawaan kaupod ang iya nga backrider nga si Manuelyn Alcazare 21-anyos sang Barangay Culasi sining siyudad.
Bangud diri, natumba ang motorsiklo rason nga nag-angkon sang pilas sa lawas ang backrider nga si Manuelyn nga gilayon naman nga gindapatan sang nagakaigo nga pagbulong.
Ginapatihan naman nga yara sa idalom sang impluwensya sang makahulubog nga ilimnon ang driver sang motorsiklo sang nagluntad ang insidente.
