-- ADVERTISEMENT --
ROXAS CITY – Pilason ang isa ka persona matapos nga ginaalegar ginbungguan sang tricycle ang isa ka naka-park nga motorsiklo sa Burgos St., Barangay Tanque, Roxas City.
Ginkilala ang mga napilasan nga sanday Federico Bautista 49-anyos sang Barangay Lanot kag pasahero sini nga si Dienisio Oliveros 66-anyos sang Barangay Balijuagan sining siyudad.
Base sa imbestigasyon sang traffic section sang Roxas City PNP nga samtang naka-park ang motorsiklo ni Joel Abayon 50-anyos sang Dao nga aksidente na lamang ini ginbungguan sang tricycle nga ginamaneho ni Bautista.
Bangud sa mabaskog nga impact sang pagkabunggo nag-angkon sang pagpalanakit kag pilas sa lawas si Oliveros nga gilayon naman gindala sa ospital para sa nagakaigo nga pagbulong.
