ROXAS CITY – Ginpaidalom sa 14 days quarantine ang isa ka 51-anyos nga lalake nga “Person Under Investigation” sa isa ka ospital sa probinsya sang Capiz matapos nga ginapahayag nakitaan sang pila ka sintomas sang 2019 Novel Coronavirus Acute Respiratory Disease (nCoV ARD).
Suno sa Capiz Provincial Health Office ang wala na ginhingadlan nga lalake may yara sang travel history sa Hongkong kag Macau sadtong Enero 25 tubtob Enero 29, 2020 antes nakapauli sa probinsya sang Capiz.
Sa karon, padayon nga ginaobserbahan ang nasambit nga pasyente sa isa ka ospital sa siyudad sang Roxas.
Ginpadala naman ang specimen sample sini sa Research Institute for Tropical Medicine (RITM) sa Alabang, Muntinlupa City para sa confirmatory test.
Samtang, ginahulat na lamang ang resulta sang nasambit nga eksaminasyon.
