Ginbawian sang kabuhi samtang ginabulong sa ospital ang isa sa duha ka mga driver sang motorsiklo matapos nagbunggu-anay sa Barangay Mianay, Sigma, Capiz
Ginkilala ang napatay nga driver nga si Jay-R Berino 32-anyos sang Barangay Amaga, Sigma, Capiz.
Ginkumpirma sang iya bayaw nga si Ellie Joy Tupaz Fernandez nga ginbawian sang kabuhi si Berino samtang ginabulong sa ospital.
Matandaan nga ginamaneho ni Berino ang motorsiklo sang wala matalupangdan ang utod nga linya sang nagapadayon nga 4 lane construction sa Barangay Mianay, Sigma sang nagcutting ini kag nakabunggo sa motorsiklo nga ginamaneho ni Renaldrine Langag 47-anyos sang Mambusao, Capiz kag isa ka construction worker.
Sa karon yara na sa isa ka punerarya ang bangkay ni Berino samtang padayon nga ginabulong sa Mambusao District Hospital si Langag.
