ROXAS CITY – Nakahunong na karon sa karsel sang Roxas City Police Station ang isa sa tatlo ka mga suspek matapos nga ginaalegar nagpangkastigo sa Peoples’Park, Barangay Baybay, Roxas City.
Ginkilala ang nasambit nga suspek kay Mark Nico Borro 19 anyos sang Sitio Lawis, Barangay Baybay sining siyudad.
Base sa inisyal nga imbestigasyon nga samtang nagabakal sang pagkaon ang biktima nga si Arabia Nelche, 17 anyos kag sang Legazpi St., Barangay III, sining siyudad sang hinali na lamang nga ginkuha sang isa ka suspek nga si Marlon De Asis, ang iya sini cellphone kag ginpulihan kastigo nanday Borro, De Asis kag Nico Alano nga lunsay mga residente sang Barangay Baybay sining siyudad.
Bangud diri, nag-angkon sang mga kasamaran sa lawas ang biktima nga gilayon naman gindapatan sang nagakaigo nga pagbulong.
Samtang ang natigayon lamang nga nadakpan sang mga kapulisan amo si Borro samtang nagapabilin naman nga at-large ang duha ka mga suspek.
