1 year old nga bata nga lalaki, natuslok ang dughan sang nail pusher

Atensyon sa mga ginikanan!

Masami gid nga bantayan ang inyo mga kabataan ilabi na sa ila mga ginahampangan.

Sa Bongao, Tawi-Tawi, gindala sa ospital ang 1 year old nga bata nga lalaki matapos naglubong sa iya dughan ang nail pusher nga iya ginahampangan.

Suno sa otoridad, ginahampangan sang bata ang nail pusher kag wala ini namulalongan sang iya mga ginikanan.

Ginaalegar natumba ang bata kag amo pagtuslok sang nail pusher sa dughan sini.

Matapos maoperahan, estable na ang kondisyon sang bata.

Nagpahanumdom ang health officials sa mga ginikanan sang mga bata nga bantayan gid ang mga ini sang maayo kag ipalayo sa ila ang mga peligroso nga butang nga mahimo nila nga mahampangan.