ROXAS CITY – pilason ang napulo ka tuig nga bata matapos aksidente nga naigo sang bala sang 12 gauge shotgun sang iya nga amay sa ila balay sa Barangay Quevedo, Maayon, Capiz.
Ginabulong karon sa ospital ang biktima nga si Nel, Grade 5 pupil nga nag-angkon sang pilas sa tiyan kag kamot.
Sa interview sang Bombo Radyo Roxas kay Senior Inspector Valen Rommel delos Santos, hepe sang Maayon Municipal Police Station, ginpahayag sini nga gin-unload sang amay nga si Noel Evangelista 39-anyos ang 12 gauge shotgun sang aksidente nga napitik ang armas kag nag-igo ang bala sa dingding nga himo sa kawayan sa diin nagakatulog ang biktima.
Gilayon nga gindala sa ospital ang menor de edad kag yara na karon sa estable nga kundisyon, samtang hinali nga nadula ang amay sang biktima nga ginapangita na karon sang mga otoridad.
