Nasapwan nga wala na sang kabuhi ang 10 ka tuig nga bata nga babaye nga isa na ka semana nga missing sa Bataraza, Palawan.
Ulihi nga nakit-an nga buhi ang biktima sakay sa motorsiklo sa nadakpan nga suspek.
Ginpahayag nga nasapwan ang bangkay sang biktima sa sapa sa Barangay Bulalacao.
Nagaguha sa imbestigasyon sang kapulisan nga sadtong Nobyembre 29, nagkadto ang biktima kaupod ang iya mga abyan agud magbaligya sang mga utanon sa merkado.
Las 7:00 sang gab-i, ginpahayag nga nagtanyag ang suspek sa iloy sang mga abyan sang biktima nga pasakyon ang mga kabataan sa motorsiklo.
Apang suno sa duha ka abyan sang biktima, gindul-ong sila sang suspek sa barangay poblacion agud kuhaon ang ila utod kag dayon ginbalik sa ila. Apang gin-alegar nga gindala sang suspek ang biktima.
Suno sa kapulisan, ipaidalom sa autopsy ang bangkay sang biktima agud mahibaluan ang gintunaan sang iya kamatayon.
Sa karon yara na sa kustodiya sang mga otoridad ang suspek kag nagapangatubang sang kaso nga murder.
