10 ka mga multi-purpose transport vehicle, ginturn-over sang city government sa mga resipiyente nga barangay

ROXAS CITY – Pormal nga ginturn-over sang City government ang napulo ka mga Multi-purpose Transport Vehicle sa napulo ka mga barangay nga resipiyente sang nasambit nga salakyan.

Personal nga gintugyan ni Mayor Ronnie Dadivas ang liyabe sang mga salakyan sa mga Barangay Kapitan, subong nga aga pagkatapos sang flag raising ceremony sang lokal nga gobyerno sang syudad.

Nangin resipiyente sa una nga hugnat sang distribusyon ang mga kabarangayan sang Lonoy, San Jose, Lanot, Adlawan, Lawaan, Punta Tabuc, Cagay, Cogon, Dayao kag Milibili.

Dako man ang pagpasalamat sang mga Brgy. Kapitan sa multi-purpose vehicle nga gintan-ay sang City government.