ROXAS CITY – Ginkulang ang P10-M nga pondo sang gobyerno probinsyal para sa burial assistance sa sulod sang isa ka tuig, rason nga nagdugang pa gid sang P10-M sa gin-aprubahan nga supplemental budget.
Ini ang nangin pahayag ni Nieva Camposano Provincial Social Welfare Development Office (PSWDO) Chief, sang mainterview sang Bombo Radyo.
Apang, may yara pa nga mga kulang nga balayaran ang PSWDO sa mga funeral homes rason liwat nga nagdugang sang P10-M nga budget ang gobernador.
Suno kay Camposano, apisar nga nagsuplementar pa si Castro kulang sa gihapon ini bangud ang P10-M diri na fully diversed na sa 1,082 nga mga client kag ang nabilin nga P10-M naman ang igaamat-amat sang pangbayad sa mga pending nga balayaran sa funeral homes kag subong man sa mga nagapangyo sang burial cash.
Bangud sini, may yara pa nga kulang nga kapin P3-M ang gobyerno kag ini pa ang ginpangitaan naman sang paagi sang gobernador kun sa diin mahimo nga makakuha.
Mahibaluan ba-se sa datos sang PSWDO, nagtaas ang numero sang mga indibidwal nga nagpangayo sang burial assistance sa kapitolyo.
Talalupangdon man ang pagsaka sini halin sadtong Mayo tubtob Hunyo, sa diin may yara sang indi magnubo sa 16 ka mga kliyente sa kada adlaw ang nagapangyo sang bulig sa ila talatapan.
