Nagtipon ang Provincial Solid Waste Management Board Technical Working Group sang Capiz Provincial Government pinaagi sa Capiz Provincial Environment and Natural Resources Office (CaPENRO) para sa pagtalakay sang mga nagapanguna nga programa sa pagdumala sang basura sa probinsya.
Kabahin sa gin-istoryahan ang pag-update sang 10-Year Provincial Solid Waste Management Plan, kahimtangan sang Provincial Solid Waste Management Board, kag preparasyon para sa CaTinlo Year 5.
Nag-upod sa meeting ang mga Municipal Environment and Natural Resources Officers kag mga representante halin sa nagkalain-lain nga LGU, upod ang mga tiglawas sang Provincial Health Office, Office of the Provincial Agriculturist, Provincial Engineering Office, kag Capiz State University.
Ginpabaskog sang meeting ang koordinasyon kag pagbinuligay sang nagkalain-lain nga ahensya para sa mas epektibo nga pagpatuman sang solid waste management programs kag pagpadayon sang matinlo, kag mas sustainable nga Capiz.
