Gin-anunsyo sang National Food Authority (NFA) nga limitahan ang pagbakal sang bugas sa 100 ka sako kada mangunguma.
Ginhimo sang ahensya ang anunsyo samtang ginahugtan ang guidelines sa pagbakal sang humay gikan sa mga lokal nga mangunguma.
Tinutuyo sang guidelines sang NFA nga mapasiguro ang transparency sa proseso sang pagbakal sang bugas.
Makabulig man ini sa pagpasiguro nga ang mga magagmay nga mangunguma mahatagan sang nagakaigo nga benepisyo kag maamligan man sila gikan sa mga nagapanghimulos nga mga negosyante sang humay.
Sa pahayag ni NFA Administrator Larry Lacson, iya ginpahayag nga ang limitasyon sa pagbakal sang humay gikan sa mga mangunguma ang ipatuman sa tig-alani.
Magapabilin ini suno sa iya bangud limitado ang ila pundo kag kapasidad sang bodega sa bug-os nga pungsod.
Una na nga ginpahayag sang ahensya nga plano sini nga mag-arkila sang dugang nga mga bodega agud ma-akomodar ang mga humay nga ginabaligya sang mga mangunguma.
