Sa ikalima nga SONA ni President Ferdinand Marcos Jr. sa iya ika-lima nga State of the Nation Address (SONA) iya ginpahayag nga target sang gobyerno nga makatanom sang 100 million ka puno sang lubi antes matapos ang iya administrasyon sa tuig 2028.
Suno kay Pres. Marcos, padayon man nga ginapabaskog sang gobyerno ang sektor sang agrikultura paagi sa paghatag sang kapital, makinarya, insurance, paghanas, kag iban pa nga suporta sa mga mangunguma kag mangingisda agud madugangan ang produksyon kag kita.
Ginpahayag man ni Marcos nga lakip sa mga ginhatag sang gobyerno amo ang 145 ka rice processing systems, tatlo ka dalagko nga cold storage facilities, kag halos 40,000 ka agricultural machinery agud mapasanyog ang produksyon sang pagkaon sa pungsod.
