Kapin sa 101 ka mga tripulante ang ginreport nga missing matapos nga naglugdang ang Iranian Navy frigate IRIS Dena (75) sa guwa sang Sri Lanka territorial waters sang Miyerkules.
Suno kay Sri Lankan Foreign Minister Vijitha Herath, nakaluwas na ang navy kag air force sang 32 ka mga napilasan nga marines,kalabanan sa mga ini ang yara sa kritikal nga kondisyon.
Nagluntad ang insidente samtang nagapauli ang barko gikan sa MILAN 2026 International Fleet Review nga ginhiwat sa India.
Ang mga naluwas nga mga tripulante ang gindala sa isa ka ospital sa Galle, sa diin sila ginabulong.
Apisar nga may mga report nga gin-atake sang submarine ang barko, indi pa maathag kun
ano nga pungsod ang responsable sa pag-atake.
Ang paglugdang sang IRIS Dena nagtuga sang kabalaka sa rehiyon, ilabi na sa tion sang nagadugang nga tensyon sa Middle East.
