ROXAS CITY – Padayon sa karon ang pag-imbestiga sang Women and Children Protection’s Desk sa ginaalegar pagpanghimulos sa 11 anyos nga dalagita sang iya kaugalingon nga stepfather sa isa ka banwa sa Capiz.
Sa nakuha nga impormasyon sang Bombo Radyo, ginkakibot sang lola ni alyas Nene ang hinali nga pagbag-o sang biktima kag masami ini nga maluya.
Bangud sa pagkahangawa, gin-estorya sang tigulang ang apo kag diri gin-aku ni Nene nga pasulit-sulit ini nga ginhimuslan sang iya nga padrasto nga ginatawag sini nga ‘Daddy’.
Mahibaluan nga nagdako ang biktima sa iya nga lola apang ginahulam ini sang bag-o nga asawa sang iloy kag ginadala sa ila nga poultry kun sa diin ginahimo sang suspek ang pagpanghimulos kay Nene.
Nahibaluan nga isa ka tuig pa lamang ang biktima sang napatay ang iya matuod nga amay.
Dismayado naman ang lola sa iloy ni Nene bangud kasubong ginatabunan pa sini ang iya bag-o nga asawa.
Sa karon yara sa kustodiya sang iya lolo kag lola si Nene kag indi na ini magbalik pa sa iya iloy kag padrasto.
