11-anyos nga bata sa Canada, patay sa rabies matapos magtuntong sa iya ang paniki

Patay ang isa ka 11-anyos nga bata nga lalaki sa Ontario, Canada matapos matapnan sang rabies, pila ka semana pagkatapos magtupa sang isa ka paniki sa iya samtang nagakatulog.

Suno sa Canadian Medical Association Journal, natabo ang insidente sang tig-ilinit sang 2024.

Matapos magtupa sa bata, ginbuy-an sang iya amay ang paniki, Bangod wala sang makita nga kagat ukon pilas, wala na sila nagpakonsulta sa doktor.

Pagligad sang tatlo ka semana, nagsugod ang bata nga makabatyag sang pagkamanhid sa iya guya, pagkawala sang gana sa pagkaon.

Sang ulihi, naglala ang kahimtangan sang bata kag ginkumpirma sang mga doktor nga may rabies ang bata nga amo ang rason sang iya kamatayon.