ROXAS CITY – Natalana nga ipaidalom sa medical examination ang 11 anyos nga dalagita nga isa ka Grade 4 pupil nga ginapahayag gina-molestiya sang iya ‘maninoy’ kabaylo sang kwarta.
Mahibaluan nga sa pihak sang pagpanindugan sang iloy sang biktima nga wala sang kamatuoran ang mga alegasyon nga ginabugaw sini ang anak sa iya nga kumpare, nagpanindugan si alyas Jane nga makapila ka beses na siya nga gin-molestiya sang suspek nga si alyas Julio.
Ginpahayag sang biktima nga ginahatagan siya sang P20 tubtob P100 sang iya ‘maninoy’ apang kabaylo sini, ginapahampangan sa iya ang kinatawo sang suspek.
Ginatutukan karon sang City Social Welfare and Development Office kag Women and Children Protection Desk (WCPD) sang Roxas City Police Station ang nasambit nga kaso.
Mahibaluan nga si alyas Jane ang ikaanom sa napulo ka mag-utod kag ginabusong pa sang ila iloy ang iya ika-onse nga anak.
