Naglab-ot na sa 11 ka mga banwa sa Capiz ang apektado sang Red-Striped Soft Scale Insect o RSSI.
Sa interview sang Bombo Radyo kay Rufino Ashbel Gad Dunton, Acting Provincial Agriculturist sang Capiz, iya ginpahayag nga base sa datos as of August 12, yara na sa 11 ka banwa sa probinsya ang apektado sang RSSI.
Lakip sa mga banwa nga apektado amo ang Cuartero, Dao, Jamindan, Dumalag, Dumarao, Ma-ayon, Panitan, Pilar, Pontevedra, Sigma kag President Roxas.
Suno kay Dunton, padayon ang pagmonitor sang ahensya sa mga lugar nga apektado sang peste agud mapunggan ang paglapta sini kag maprotektahan ang mga pananom sang mga mangunguma.
Dugang pa sini, nagapatigayon man ang ahensya sang information dissemination para mahatagan sang nagakaigo nga impormasyon ang mga mangunguma nahanungod sa RSSI.
