NEGROS OCCIDENTAL – Natabunan sang abo kag mabaho nga asupre ang 11 ka mga lugar sa probinsya sang Negros Occidental.
Kasunod ini sang liwat nga paglupok sang bulkan kahapon (Mayo 14), nga naglawig sang Lima ka minutos, base sa opisyal nga rekord sang Philippine Institute of Volcanology and Seismology (Phivolcs).
Ang paglupok nagtuga sang kabug-usan nga 38 ka mga linog sang bulkan, ang iban diri ang nabatyagan man sang mga residente.
Suno sa Provincial Disaster Risk Reduction and Management Council – Emergency Operations Center (PDRRMC-EOC) sang Negros Occidental, madamo sang mga barangay gikan sa La Carlota, Bago, San Carlos, La Castellana, Murcia, San Enrique, Valladolid, Pontevedra, Hinigaran, kag Binalbagan Sports ang apektado.
Sa syudad sang Bago, 23 ka mga barangay ang naka-eksperyensya sang ashfall samtang 11 ka mga barangay sa syudad sang La Carlota kag siyam ka mga barangay sa La Castellana ang naka-eksperyensya man sang abo sang bulkan kag mabaho sang asupre.
Sa syudad sang Bacolod, 18 ka mga barangay ang naka eksperyensya sang sinagol nga partikulo sang abo kag ulan.
Sang kaagahon sang Martes, Mayo 13, ang nasambit nga bulkan naglupok sa labing una nga tion kag nagbuga sang tonelada sang aso kag volcanic materials.
Sang ulihi, madamo nga mga lugar ang naapektuhan sang ashfall, nga ginsundan liwat sa masunod nga mga inadlaw.
