ROXAS CITY – Arestado ang 11 ka mga indibiwal sa magkatuhay nga kabanwahanan sa Capiz matapos nga gindakop sang mga kapulisan bangud sa paglapas sa ginapatuman nga curfew hours sa probinsiya.
Una diri, naaresto sa siyudad sang Roxas sanday Ronilo Magallanes 35-anyos sang Barangay Lawaan; Teddy Begona 29-anyos, Reymark Acosta 31-anyos, Jimmy Fraira 37-anyos, Rex Silvestre 33-anyos kag Roberto Begona 45-anyos nga lunsay mga residente sang Barangay Banica samtang nadakpan man sanday Hernan Alcones 57-anyos sang Barangay Dinginan; Regan Ortiga 28-anyos, Joan Capapas kag Andronico Gortaleza nga lunsay mga residente naman sang Barangay Lonoy sining siyudad.
Magluwas diri, nadakpan naman sa banwa sang Pres. Roxas si Paul Palencia, 46 anyos sang Barangay Pantalan sang nasambit nga banwa.
Mahibaluan nga ginapatuman sa karon sa bilog nga probinsiya sang Capiz ang curfew hours humalin alas 8 sa gab-i tubtob alas 5 sa aga base sa Executive Order No. 11, series of 2020 nga ginpapanaog ni Capiz Governor Esteban Evan Contreras.
