ROXAS CITY – 11 ka mga indibidwal ang nasitahan sang mga katapo sang Roxas City Environmental and Sanitation Enforcement Team (RESET) sa Libas Fishing port bangud wala nagasuksok sang face mask.
Ang nasambit nga mga indibidwal ang lunsay kalalakinhan kun sa diin ang iban sa ila ang nasiplatan nga nagabakal sang isda kag ang iban naman ang yara sa guwa sang ila balay apang wala ginasuksok ang face mask.
Temporaryo ang mga ini nga gin-kustodiya sang mga otoridad kag ginpangitaan sang ila face mask kun sa diin may napakita man ang mga ini apang napaslawan lamang sila nga suksokon.
May iban naman sa ila nga may suksok nga face mask apang yara lamang sa ila nga sag-ang.
Mahibaluan nga ang pagsuksok sang face mask ang kabahin sang ginapatuman nga health protocols bilang pag-amlig sa ikaayong lawas batuk sa balatian nga coronavirus disease (COVID-19).
