ROXAS CITY– Na-rescue sang Mubarak Labor Services Agency ang Capizeña overseas Filipino worker (OFW) na ginaalegar ginakastigo sang employer sa Kuwait.
Sa interview sang Bombo Radyo Roxas sa OFW nga si Grace delos Reyes, ginpahayag sini nga na-rescue na kahapon si Maricar Aligano sang Barangay Sinabsaban, Cuartero, Capiz gikan sa mapintas nga employer.
Suno diri, nga nabudlayan pa ang agency sini nga pangitaon ang ginapahamtangan sang balay sang employer ni Aligano bangud sala nga lugar ang ginhatag sang iya amo sa agency sang nasambit nga OFW.
Daku man ang nabulig sang pagpangulit sang mga OFW sa agency ni Aligano agud mapadaig ang pag-rescue diri.
Samtang tuman naman ang kalipay nga nabatyagan sang pamilya sang OFW matapos makalab-ot sa ila ang pagrescue na kay Aligano gikan sa kamot sang mapintas sini nga employer.
Suno kay Severino Almodiente, live-in partner ni Aligano nga nagalaum sila nga mapadasig ang pagpauli sa Pilipinas sang OFW agud dalayun na nga madula ang ila nga pagkabalaka.
Kangut sini ginpasalamatan man sang pamilya Aligano ang Bombo Radyo bangud sa nahatag nga bulig agud mapadasig ang paghulag sang agency sa amo nga OFW.
