ROXAS CITY – Isa ang totally burned, samtang napulo ka iban pa ang partially burned nga baligyaan sang ready-to-wear (RTW) sa nagluntad nga sunog sa merkado publiko sang Panitan, sa Brgy. Tabuc Sur, sa amu nga banwa.
Sa impormasyon nga nakuha sang Bombo Radyo sa BFP-Panitan kag Panitan MPS, nagsugod ang sunog mga pasado alas-9:30 kagab-i sang Hunyo 15.
Ginkilala ang mga tag-iya sang nasunog nga baligyaan nga sanday:
1.Jose Diva 2. Nelly Daliva 3. Jessel Bibas 4. Elena Dordas 5. Danilo Dadivas 6. Jesus Vasquez 7. Jolas Dela Cruz 8. Lorenza Dela Torre 9. Jesse Catalan 10. Rosalie Bechayda 11. Maria Gabrielle Paulene Dadivas.
Sandig sa inisyal nga imbestigasyon sang mga katapo sang bumbero, wala pa sang tul-id nga rason sa gintunaan sang kalayo apang sa inisyal nga imbestigasyon nga posible electrical short circuit ang ginhalinan sang insidente.
Nagdangat sa mas o menus P300,000 ang nangin kahalitan sang nagluntad nga sunog.
Nagapadayon ang imbestigasyon sang BFP-Panitan.
