Indi magnubo sa 11 ka tawo ang napatay kag kapin 30 ang pilason sa isa ka stampede sa guha sang M. Chinnaswamy Stadium sa Bengaluru, Karnataka, samtang gina-selebrar sang mga nilibo ka mga fans ang kadalag-an sang Royal Challengers Bengaluru sa Indian premier league (IPL).
Suno kay Karnataka Chief Minister Siddaramaiah, ginpwersa nga buksan sang mga fans sang premier league ang isa ka gate sang stadium agud nga makasulod sa nasambit nga selebrasyon.
Nahibaluan nga naghatag sang libre nga passes ukon gate pass ang grupo pamaagi sa ila sini nga website kag nagpanawagan sa mga supporters sini nga sundon ang mga pagsulundan, apang wala ginalauman nga magdugok ang mga tawo.
Sa pihak sang insidente, nagpadayon ang selebrasyon sa sulod sang stadium samtang ginabakwit ang mga napilasan.
Samtang, gintawag sang Board of Control for Cricket in India (BCCI) ang insidente nga makaluluoy kag gin-ako ang kakulangan sa preparasyon.
