ROXAS CITY – Ginkumpirmar sang tagdumalahan sang Capiz Electric Cooperative (CAPELCO) nga may mga konsumidor sa Roxas City nga natukiban nila nga nagapangawat sang kuryente ukon ‘naga-jumper’ sang koneksyon.
Sa interview sang Bombo Radyo kay Engr. Edgar Diaz, tagdumalahan sang CAPELCO, ginsiling nga sa datos sang 2022, nagdangat sa 110 ka mga konsumidor ang natukiban nila nga nagapangawat sang kuryente.
Ginpahayag man ni Diaz nga nagdangat sa kapin P3 million ang kabug-osan nga penalidad sang mga violators, kag may ikasarang sa kabuhi ang may pinakadako nga penalidad, nga nagdangat sa kapin P500,000 ang ginbayran sini.
Ginklaro man sang tagdumalahan nga ginahatagan sang tatlo ka adlaw agud magbayad sang penalidad, ang madakpan nga konsumidor kag kun mapaslawan, diri kag paga-utdan ini sang kuryente.
Sa pihak nga bahin, mensahe ni Diaz sa mga may plano nga magpatakod sang solar panel nga kinahanglan magpakig-angut sa CAPELCO para sa nagakaigo nga pagsulondan.
