Nakabaton sang cash gift ang 133 tanan ka mga Senior Citizen gikan sa syudad sang Roxas.
Ini ang kabahin sang programa sang National Commission of Senior Citizens sa idalum sang Expanded Centenarians Act Cash Benefits.
Sa interview sang Bombo Radyo kay Mr. Eddie Dela Cruz, Head sang Office of the Senior Citizen Affairs, iya ginpahayag nga ang nasambit nga programa ang para sa mga Senior Citizens nga naga-edad 80 years old , 85 years old, 90 years old, 95 years old kag 100 years old.
Suno kay Dela Cruz, may yara sang 101 ka Octagenarian kag 12 ka Nonagenarian ang
nagbaton sang tag- P10,000 kada isa.
Pahayag pa niya,ginasigurado man sang ila talatapan nga magakadto ang kwarta diretso sa mga benepisyaryo kag indi magamit sa wala sang kapuslanan.
Nagpahanumdom man ang natungdan sa publiko nga kun may yara sang mga pamangkot ukon reklamo ang magdiretso lang sa talatapan sang Office of the Senior Citizen Affairs agud gilayon nga mahatagan sang nagakaigo nga sabat kag solusyon.
