ROXAS CITY – Ginkumpirmar sang tagpamaba sang Department of Health (DOH) Capiz nga ginapahanugutan na ang pagturok sang COVID-19 vaccine booster shot, sa mga kabataan nga naga-edad 12 tubtob 17 anyos nga mga immuno compromised.
Ini ang ginpahayag ni Mr. Joeffrey Espiritu, sang DOH Capiz, sang mainterview sang Bombo Radyo.
Suno diri, may immuno compromised pagid lamang ang paga-unahon sa pagturok sang booster dose, ini amu ang mga may ginasupreher nga balatian kaangay sang cancer kag on-going ang treatment, naga-dialysis, may HIV infection, kag iban pa nga may seryoso nga balatian.
Pagadal-on sang mapaturok nga kabataan ang iya vaccination card, medical certificate nagikan sa iya doktor, valid ID sini kag sang iya guardian/parent kag ang dokumento nga nagapamatuod sang relasyon sang bata sa iya updon sa vaccination.
Igapatigayon ang pagbakuna sa identified ospital sang LGU gamit ang Pfizer nga brand sang COVID-19 vaccine.
Magpakig-angut lamang sa inyo mga LGU kun san-o ang mangin skedyul sang vaccination sa inyo lugar, apang sa karon, nagaprepar pa gid lamang ang DOH-Capiz.
